تپتان ءَ امنیتی ٹولی ءَ سُہر ئے کھن ئے سئے بلوچے نگہپان ءَ پہ زور ءُ ھژم ءَ آوار جتگ

رَسانک نیوز/ چارشمبے روچ ءَ 22 مرداد ماہ 1404 ءَ، تپتان ءَ سُہر ئے کھن ئے سئے بلوچے نگہپان امنیتی باسک ءِ سادہ پوشیں ٹولی ءَ اُرش ءَ پد آیان ءَ پہ زور ءُ ھژم ءَ دزگیر کرتگ، امنیتی ٹولی ءَ آیاں آوار جتگ ءُ چیریں جاگہے برتگ.

اے سئے بلوچے پجّار «ابدلواھد پیردادی ریگی»، 29 سالگ، ھدابکش ءِ چُک، «یونس دلاوری»، 22 سالگ، جمے چُک، «رھمت اللہ آرامون»، 29 سالگ، ابداللہ ئے چُک، ھر سئے آروس کرتگ ءُ تپتان ءِ بید استر دمگے نندوک زانگ بوتگ اَنت.

گوشگ لوٹیت: چیریں ادارے سادہ پوشیں کارندگان ءَ ھماں وھدا اے سئے بلوچے بُنپان ءُ نگہپان آوار جتگ کہ آیان وتی ھمُک روچیں کاراں دلگوش بوتگ اَنت۔ چیریں ادارے ٹولی ءَ آیاں بے جُست ءُ پرس ءَ پہ زور ءُ ھژم ءَ آوار جتگ ءُ چیریں جاگہے برتگ.

داں اے ساھت ءَ آیانی دارگ ءِ جاگہ زانگ نہ بوتگ ءُ نہ کہ آیانی سرا بستگیں الزام زانگ بوتگ، اے گپّ ءَ لوگے مردماں گیشتر دل پریشاں کرتگ.