رَسانک نیوز/ چہ یکشمبے روچ ءَ 19 مرداد ماہ 1404 ءَ، بزمان ءِ گریب آباد دمگ ءَ دو سالگیں بلوچے چُکے گُمان داریں وڑے ءَ بیگواہ بوتگ، پنچ روچ ءَ پد، چُکے لوگ ءُ دمگے مردمانے آئی ءِ شوہاز کنگ ءِ جُھد ءُ کوشست ئے بے سوب بوھگ ءَ، چُکے لوگ ءُ دمگے مردمانے دل پریشانے گیش کرتگ.
اے بلوچے چُکے پجّار «زلپا شھلی بر»، دو سالگ، اھسان ءِ چُک، بزمان ءِ نندوک زانگ بوتگ.
رَسانک ءِ ھال سرکنوکان ءَ گوشتگ: زلپا یکشمبے روچ ءَ چہ لوگ ءَ در اَتکگ ءُ داں انگت ءَ لوگ ءَ واتر نہ بوتگ ءُ آئی ءِ ھچ پیمیں ھالے سرپدئے دست نہ کپتگ. اے چُکے بیگواہ بوھگ ءَ گوں، لوگ ءُ دمگے مردمان ءَ آئی ءِ شوہاز کنگ ءِ کوشست کرتگ، بلے داں اے ساھت ءَ سوبیں نہ بوتگ اَنت.
اے ویل ءَ دمگ ئے پہکیں مردم دل پریشاں کرتگ ءُ آیان ءَ چہ امنیتی ءُ سرکارے ادارہ آن ءَ لوٹتگ کہ اے چُکے شوہاز کنگ ءَ وتی جُھد ءُ کوشست ءَ بہ کن اَنت.
Be the first to comment