رَسانک نیوز/ جمه 17 مرداد ماہ 1404 ءِ بیگاہ ءَ، پهرہ ئے ڈمّن دمگ ءَ بلوچے کہ پہ وتی پَل ءُ مچ کدگے چارگ ءَ شُتگ، چہ سلاہ بندیں دُزّانے تیرگواری ءَ کُشگ بوتگ.
اے بلوچے پجّار «زپر اھمدی»، مولوی ابدلمجید ءِ چُک، بُندر ءَ پهرہ ئے ڈمّن ءَ، بنوک دمگ ءِ نندوک زانگ بوتگ.
رَسانک ءِ ھال سرکنوکاں ءَ گوشتگ: زپر اھمدی پد چہ وتی دکان ئے بند کنگ ءَ پہ باگان ءُ مچّانی چارگ ءُ ھیالدارے ءَ شُتگ، مچ کدگ ءَ گوں سربوھگ ءَ سلاہ بندیں دُزّان ءَ آئی ءِ سرا تیرگواری کرتگ ءُ کُشتگ.
گوشگ بوتگ: سلاہ بندیں دُزّاں، پہ ھُرماگے دُزّگ ءَ آئی ءِ پل ءَ تھا بوتگ اَنت.
Be the first to comment