جالک ءَ چہ مین ءِ تراک ءَ دو بلوچے ٹیلکش کُشگ ءُ ٹپیگ بوتگ

رَسانک نیوز/ 21 مرداد ماہ 1404 ءَ، جالکے کلگان دمگ ءَ پتکوکی پٹ پٹی آنے راہ ءَ چہ سپاہ ءِ پاسدارانے کل کرتگیں مین ءِ تراک ءَ دو بلوچے ٹیلکش کُشگ ءُ ٹپیگ بوتگ۔ اے ویل ھماں وھدا پیش اَتکگ کہ اے دوئیں ٹیلکش پٹ پٹی ءَ گوں روگ ءَ بوتگ اَنت ءُ آیانی پٹ پٹی اَچانک ءَ مین ءِ سرا شُتگ ءُ مین ترکتگ۔ پٹ پٹی ءِ ڈریور ءَ جاہ ءَ ساہ داتگ ءُ آئی ءِ ھمراہ ٹپیگ بوتگ.

کُشگ بوتگیں بلوچے پجّار «کُدوس گمشادزھی»، 18 سالگ، ابدلکریم ءِ چُک، شستون ءِ جھمنند زانگ بوتگ۔ ٹپیگ بوتگیں بلوچے ٹیلکش ئے پجّار داں اے ساھت ءَ زانگ نہ بوتگ بلے گوشنت کہ چہ ھمیں کُٹھمدان ءَ بوتگ.

اے ھالے رِد ءَ، مین ءِ تراک باز زور دار بوتگ ءُ کُدوس ءَ جاہ ءَ ساہ داتگ ءُ آئی ءِ ھمراہ ٹپیگ بوتگ۔ بلوچستان ءَ چہ سرکار ءِ ڈلگچاری ئے سیاست ءَ دلجمین ءُ الکاپیں کار ءِ نہ بوھگ ءَ بازیں بلوچے ناچاری ءَ ٹیلکشے ئے پر ھتریں کار ءَ دست مان کننت۔ سپاہ ءَ، سیمسران ءَ گوں مین ءِ کَلّ کنگ ءَ ٹیلکشگ ئے کارے ھتر گیش کرتگ.