رَسانک نیوز/ مروچی یکشمبے 19 مرداد ماہ 1404 ءِ بانگواہ ءَ، شستونے بندیگجاہ ءَ، بلوچے بندیگے کہ سالے دیمترا امنیتی ٹولی ءَ پہ ھونے الزام ءَ دزگیر کرتگ، پاھو دیگ بوتگ.
رَسانک ءَ اے بلوچے پجّار «ھسام سالاری (رئیسی)»، 20 سالگ، الیرزا ئے چُک، بُندر ءَ جالک ءِ نندوک زانتگ.
رَسانک ءِ ھال سرکنوکان ءَ گوشتگ: ھسام سال 1403 ءَ ھماں وھدا کہ 19 سالگ بوتگ، جالک ءَ امنیتی ٹولی ءَ پہ ھونے الزام ءَ دزگیر کرتگ، اِنساپے ادارہ، آئی ءَ پاھو ئے هُکم داتگ، ھسام ئے لوگے مردم ءُ سیاد چہ ھونے واھنداں رزایت زورگے جُھد ءُ وس کرتگ، بلے آیاں نہ منّتگ ءُ رزایت نہ داتگ.
ھسام پنچشمبے روچ ءَ 16 مرداد ماہ ءَ پہ ایوکیں واڈ ءَ شور دیگ بوتگ.
Be the first to comment