رَسانک نیوز/ مروچی یکشمبے 19 مرداد ماہ 1404 ءِ بانگواہ ءَ شستون ءَ ھمزہ روڈ ءُ اے دگہ نزّیکیں دمگاں زوریں تیرگواری ءَ توار اِشکونگ بوتگ۔ مروچی سُہب ءَ سرکارے میڈیا ءَ، امنیتی کارمندے ھوری ءَ چار مردمے کُشگ ءُ یک کارمندے ٹپیگ بوھگ ءِ ھال داتگ۔ اے ھالے رِد ءَ چار سلاہ بندیں مردم دزگیر کنگ بوتگ.
سرکاری میڈیا ءَ کُشگ، ٹپیگ ءُ دزگیر بوتگیں مردمانے پجّار نہ گوشتگ ءُ بلے کُشگ بوتگیں امنیتی ٹولی ئے کارمندے پجّار ءَ ھُدادات باکری گوشتگ.
سوبے سیستان ءُ بلوچستانے پلیس ءَ ھال داتگ: شستونے پلیس، سئے سلاہ بندیں مردمے کُشگ ءَ سوبیں بوتگ. شستونے پلیس ءَ، سلاہ بندیں مردمانی دو گاڑی، یک سی تیری، یک وتاسی گوں تیر ءُ ھِشاپ ءَ زپت کرتگ. شستونے پلیس ءَ گوشتگ: کہ آئی ءَ چار سلاہ بندیں مردم دزگیر کرتگ ءُ اے ٹکّر ءَ پلیس ئے یک کارمندے کُشگ ءُ یکے دگہ ٹپیگ بوتگ.
Be the first to comment