راسک ءَ بلوچے پہ مالی جنجالے ءَ جھمنندیں مردمان ءَ آوار جتگ

پ

رَسانک نیوز/ چارشمبے 8 مرداد ماہ 1404 ءَ، راسک ءِ پارود دمگ ءَ بلوچے پہ مالے جنجالے ءَ جھمنندیں مردمان ءَ آوار جتگ، اے ویل ءِ پیش آھگ ءَ پد، داں انگت ءَ اے بلوچے ھالے سرپدئے دست نہ کپتگ ءُ نہ کہ آئی ءِ دارگ ءِ چیریں جاگہ زانگ بوتگ۔ زمہ واریں ادارہ آنے اے وڑیں پروندہ آنے سرا دلگوش نہ کنگ ءَ لوگے مردم ءُ دمگ ءَ اے دگہ نندوکانے دل پریشانے گیش کرتگ.

رَسانک ءَ اے بلوچے پجّار «نیکبھت ابرکار»، 48 سالگ، پنچشمبے ئے چُک، زھگانے پت ءُ راسک ءَ پارود ئے نندوک زانتگ.

رَسانک ءِ ھال سرکنوکان ءَ گوشتگ: اے بلوچے کار ھیّاتی ءُ ھیّاتی مشینانی اَڑ کنگ بوتگ۔ ویلے روچ ءَ لہتیں مردم ءَ آئی پہ ھیّاتی مشین ئے شر کنگ ءِ نیمون ءَ دگہ جاگہے لوٹتگ۔ نیکبھت ءَ گوں مالے سرا اَڑتگیں مردمان ءَ آئی چہ ھمیں جاگہ ءَ آوار جتگ.

چہ اداں دیمترا ھمیں مردمان ءَ گوں نیکبھت ءِ چُک ءُ آئی ءِ دو سنگت ءَ مالی جنجالے بوتگ ءُ اے پیم ءَ دمگ ءِ نندوکیں مردم، آیان ءَ پجّا کار اَنت۔ بلے پدا ھم زمہ وارین ءُ اِنساپ دیوکیں ادارہ آن ءَ پہ اے بلوچے آجویی ءُ آوار جنوکانے پجّارے درا کنگ ءَ گام گیجی نہ زُرتگ.

اے پیمیں پروندہ آنے سرا، زمہ وارانے دلگوش نہ کنگ ءَ بلوچستانے مردمان ءَ سکّ ءَ دل پریشاں کرتگ، چہ زمہ وارانے دلگوش نہ کنگ ءَ جھمنندانے زھن ءَ اے پِگرا زور گپتگ کہ آیانی زاتی ایمنی چہ پیسرا گیشتر ھترا دیمپان اِنت.