رَسانک نیوز/ پنچشمبے روچ 9 مرداد ماہ 1404 ءَ، واش ءِ شھرداری ئے کارمندان ءَ ماڑی جوڑ کنوکیں بلوچے کارگری ءَ در کانون ءَ لٹ ءُ شاپ کرتگ ءُ آئی ءِ کارے اوزار گوں وت ءَ برتگ اَنت.
اے بلوچے کارگرے پجّار «اسھاک اھمدزھی» گوشگ بوتگ. رَسانک ءِ ھال سرکنوکان ءَ گوشتگ: اے بلوچے کارگرے گُد ءُ پُچ اِش درتگنت ءُ لٹ ءُ شاپ ئے شونزیں پد آئی ءِ دلبند ءَ ائر بوتگ اَنت.
شھرداری ئے کارمندانے گوں بلوچے کارگران ءَ، اے وڑا پیش آھگ انسانی ھکّانی ھلاپ زانگ بیت، بلوچستان ءَ الکاپیں کارے دست نہ کپگ ءَ بازیں بلوچے کارگرے ءَ پہ وتی لاپ ئے شوھاز ءَ دگہ در ءُ چارگے نیست اِنت. اے ویل ءَ پیش داشتگ، کہ سرکار ءَ، ادارہ آنے سرا ھچ پیمیں چاروگے ءُ کنٹرولے نیست اِنت.
اے گپّ گوشگ لوٹیت: سال 2024 ءَ، ایران ءَ 62 کارگر چہ کار واھندانے لٹ ءُ شاپ، کارانے سرا ایمنی ئے نہ بوھگ، راہ آنے ویل ءُ واک آن ءُ … کُشگ بوتگ اَنت.
Be the first to comment