رَسانک نیوز/ پنچشمبے 9 مرداد ماہ 1404 ءَ، دلگان ءَ مولوی ابدلھمیدئے میانجی گری ءُ جُھد، کماش ءُ اسپیت ریشانے ھمّت ءَ بہزادی ءُ پولادی کُٹھمدان آنے میان ءَ پد چہ ھشت سال جنگ ءُ ھون ریچے ءَ سلاه ءُ رازی نامہ بوتگ. اے رازی نامہ ھماں وھدا بوتگ، کہ ھشت سال جنگ ءُ ھون ریچے ءَ چہ دوئیں دیماں دہ مردم ءَ گیش کُشگ ءُ ٹپیگ بوتگ۔ آیانی مدام اَڑ ءُ جیڑہ ءَ دمگ ءِ ایمنی ءِ ھالات ھراب کرتگ.
اے سلاه کاری ئے دیوان ءَ دوئیں نیمگے مردمان ءَ کسم وارتگ کہ کُہنیں اَڑ ءُ جنجال آں بے ھال کننت ءُ پہ ایمنی ئے سرا گوں یک دگرا زند بہ گوازین اَنت. دوئیں نیمگے مردمان ءَ یک دگرا بگل کشّ کرتگ ءُ وشّان بوتگ اَنت.
بلوچستان ءَ کبیلہ آنے میان ءَ اَڑ ءُ جیڑ آنے سندگ ءُ سرکارے ناکارآمدی ءَ پد، پہ ایمنی ئے آرگ ءُ جنجال آں سندگ ءَ بلوچ راج ءُ سماج ئے چمّ کماش ءُ سروکیں مردماں سکّ اَنت.
Be the first to comment