رَسانک نیوز/ زی دوشمبے 6 مرداد ماہ 1404 ءَ، انسارالپرکان ئے سلاہ بندیں گل ءَ وتی تویتر ئے تاک ءَ، دُزاپ ءَ یکشمبے 5 مرداد ماہ 1404 ءَ کُشگ بوتگیں بسیج دپترے مستر ءُ ڈلگیں کارندگے کُشگ ءِ زمہ واری منّتگ۔ انسارالپرکان ئے سلاہ بندیں گل ءَ گوشتگ: اے بسیج ءِ مستر ءُ ڈلگیں کارندگ ءَ پہ بلوچانے کُشگ ءُ پادلپاش کنگ ءَ مزنیں بہرے زُرتگ۔ آئی ماں بلوچستان ءَ الی ھامنہ ای ئے نمایندگ مُستپا مھامی ئے گاڈ زانگ بوتگ.
سرکاری مڈیا ءَ اے گپّ منّتگ ءُ کُشگ بوتگیں کارندگے پجّار «جواد کریم‌کُشتہ»، گوشتگ. آئی امام ھادی مسیت ئے نزّیک ءَ بسیج دپترے مستر ءُ ڈلگیں کارندگ بوتگ.
اے ویل ھماں وھدا پیش اَتکگ کہ روچے دیمترا دُزاپ ءَ جیش الادل ئے اِنساپ دیوکیں ادارے ماڑی ئے سرا اُرش ءَ لہتیں چہ امنیتی ءُ اِنساپ دیوکیں ادارے کارمنداں کُشگ بوتگ اَنت.
Be the first to comment