رَسانک نیوز/ 1 مرداد ماہ 1404 ءَ، سوبے کردستان ءِ سنندج ئے چیک پوسٹ ءَ ماھے دیمترا چہ دزگیر بوتگیں دو بلوچ، یکے آجو بوتگ ءُ دومئیں بلوچے آجو کنگ ءَ گرانیں زمانت ئے لوٹتگ ءُ داں انگت ءَ بندیگ اِنت۔ اے گپّ ءَ لوگے مردمانے پریشانی گیش کرتگ.
اے بلوچانے پجّار «ابدلمالک آسکانی»، 24 سالگ، «یاسین (رھیمبکش) بکرپوشیدہ»، 27 سالگ گوشگ بوتگ۔ ھر دو راسک ءِ دمگ ءَ پیشن ئے برزیں گزدان ئے نندوکیں مردم زانگ بوتگ اَنت. تاریک 4 تیر ماہ 1404 ءَ، امنیتی باسک ءِ ٹولی ءَ اے دوئیں بلوچ ھماں وھدا دزگیر کرتگ کہ چہ مریوان ئے ھلال جاہ ءَ پہ وتی ڈیرہ ءَ رواَگ ءَ بوتگ اَنت.
اے ھالے رِد ءَ، ابدل مالک پد چہ یک ماہ بندیگ بوھگ ءَ آجو بوتگ ءُ بلے یاسین داں انگت ءَ بندیگ اِنت ءُ پہ آئی ءِ آجو کنگ ءَ گرانیں (سئے ملیارد تومنے) زمانت ئے لوٹتگ، یاسین ءَ وت ءَ شناسنامہ نہ بوتگ ءُ آئی ءَ دگہ مردمے ئے شناسنامہ پہ وت ءَ کارمرز کرتگ، اے گپّ ءَ آئی ءِ آجو بوھگ ءِ دیم داشتگ.
Be the first to comment