رَسانک نیوز/ دُزاپ ءِ سیہ ڈکّ ئے نندوکیں بلوچے کہ دوشمبے روچ ءَ 30 تیر ماہ 1404 ءَ چہ لوگ ءَ در کپتگ، داں انگت ءَ گار ءُ بیگواھیں، آئی ءِ ھالے سرپدئے دست نہ کپگ ءُ موبائل ئے بند بوھگ ءَ لوگے مردم گیشتر دل پریشاں کرتگ.
اے بلوچے پجّار «نواب ھوایی مکدّم (شاھوزھی)»، 60 سالگ، درمھمد ئے چُک، آروس کرتگ ءُ زھگانے پت، دُزاپ ءِ سیہ ڈکّ دمگ ئے نندوکیں مردمے زانگ بوتگ.
آئی ءِ سیادان ءَ گوشتگ: نواب دوشمبے سُہب ءَ چہ لوگ ءَ در کپتگ ءُ داں اے وھدا گوں لوگے مردمان ءَ ھال احوالے نہ کرتگ. آھریں پد ءَ، آئی ءِ موبایل ءَ دوشمبے روچ ءَ ساھت 12 ءَ ماں دُزاپ ءِ انکلاب روڈ ءَ دسرس ءَ بوتگ.
نواب ئے لوگے مردمان ءَ پہ آئی ءِ ھالے سرپدئے دست کپگ ءَ دُزاپ ءِ نادراہجاہ ءُ پلیس ءِ آپیس آں شُتگ اَنت، بلے آیاں ھچ پیمیں ھالے چہ نواب ءَ نہ رستگ. اے بلوچے لوگے مردمان ءَ چہ بلوچ راج ءَ لوٹتگ اگاں کسی ءَ نواب ئے ھالے دست کپت، آئی ءِ ھال ءَ رَسانک ءَ سہیگ بہ کنت.
Be the first to comment