رَسانک نیوز/ زی سئے شمبے 31 تیر ماہ 1404 ءَ، کازرون ءَ بلوچے کہ شمبے روچ 24 ھُرداد ماہ 1404 ءَ امنیتی ءُ چیریں ادارے ٹولی ءِ کارگرانے ڈیرہ ئے سرا اُرش ئے وھدا دزگیر کنگ بوتگیں بلوچے کارگر داں انگت ءَ بیگواہ اِنت.
اے اُرش ءَ دزگیر بوتگیں پہکیں کارگر دومیں روچ ءَ آجو بوتگ اَنت بید چہ یک بلوچے کارگرے کہ آئی ءِ نام «مھسن دشتی» زانگ بوتگ، داں انگت ءَ بیگواہ اِنت ءُ آئی ءِ ھال سرپدئے نیست اِنت.
اے ھالے رِد ءَ، مھسن دشتی، 20 سالگ، نواز ئے چُک، بُندر ءَ سرباز ءَ سردشت دمگ ءِ نندوکیں مردمے ءُ انّیگیں وھدا راسک ءَ کارگاہ دمگ ءِ جھمنند زانگ بوتگ. مھسن وتی دو برات ءُ یک ناکو زھت ءُ یک تری زھتے ئے ھمراھی ءَ پہ کارگری ءَ کازرون ءَ شُتگ ءُ اُداں یک کشارئے ڈگارے ئے سرا کارا بوتگ ءُ شپان ءَ ھم ھموداں داشتگ، کہ امنیتی ءُ چیریں ادارے ٹولی ءِ کارندگان ءَ آیانی ڈیرہ ئے سرا اُرش ءِ وھدا مھسن دزگیر ءُ آوار جتگ کہ داں انگت ءَ بیگواہ اِنت.
داں اے ساھت ءَ نہ اے بلوچے کارگرے دارگ ئے جاہ زانگ بوتگ ءُ نہ آئی ءِ سرا بستگیں الزام زانگ بوتگ اَنت.
Be the first to comment