رَسانک نیوز/ یکشمبے 29 تیر ماہ 1404 ءَ، دُزاپ ءِ بندیگجاہ ءَ شش بلوچے بندیگ کہ دیمترا پہ مواد ءُ منشیات ءِ الزام ءَ دزگیر ءُ گوستگیں روچاں پہ ایوکیں واڈ ءَ شور دیگ ءَ پد، پاھو دیگ بوتگ اَنت.
پاھو دیگ بوتگیں سئے بلوچے بندیگے پجّار «ابدلجلیل درکزھی»، 35 سالگ، ھُسین ءِ چُک، تپتان ءَ چاہاھمد دمگ ءِ نندوک، «نِمت اللہ شھنوازی»، آروس کرتگ ءُ زھگانے پت، واش ءِ نندوک، «داریوش شہ بکش (ابدلنسیر)»، 24 سالگ، امان اللہ ءِ چُک، آروس کرتگ ءُ زھگانے پت، دُزاپ ءِ کورین دمگ ءَ گلچاہ میتگ ءِ نندوک زانگ بوتگ، داں اے وھدا، آدگہ سئے پاھو دیگ بوتگیں بندیگے پجّار زانگ نہ بوتگ.
اے ھالے رِد ءَ، ابدلجلیل درکزھی، نِمت اللہ شھنوازی، داریوش شہ بکش، سال ئے 1404 ءَ جتائیں پروندہ آناں پہ منشیات ءُ مواد ئے الزام ءَ دزگیر کنگ بوتگ اَنت ءُ دُزاپ ءِ انکلاب آمید گِس ءَ آیاں پاھوئے هُکم داتگ. گوستگیں روچاں، دُزاپ ءِ بندیگجاہ ءَ آیان ءَ پہ پاھو دیگ ءَ ایوکیں واڈ ءَ شور داتگ ءُ یکشمبے بانگواہ ءَ پاھو دیگ بوتگ اَنت.
Be the first to comment