رَسانک نیوز/ 27 تیر ماہ 1404 ءَ، جیش الادل ءَ گوں جار تاک ئے شنگ کنگ ءَ شستون ءَ اورنگ سوری زھی ئے کُشگ ءِ زمہ واری منّتگ. جیش الادل ءَ وتی جارتاک ءَ گوشتگ: اورنگ سوری زھی ماں بلوچستان ءَ یکے چہ سپاہ ءِ ڈلگیں کارندگاں بوتگ کہ آئی پہ بلوچانے کُشگ ءُ دزگیر ءُ پادلپاش کنگ ءَ مزنیں بہرے زُرتگ.
جیش الادل ءَ گوشتگ: مئے گل ءِ امنیتی ءُ چیریں دستہ ءَ آئی کُشتگ. اورنگ سوریزھی، ماں شستون ءُ بم پشت ءِ دمگاں یکے چہ سپاہ ءِ سروکیں ناشرکاراں زانگ بوتگ ءُ چہ سال 1393 ءَ، دیم ایں گورا پہ بلوچان ءُ سرکارے ھلاپیں مردمانی پادلپاش کنگ ءُ کُشگ ءَ مزنیں بہرے زُرتگ. آئی ءَ جیش الادل ءِ پدائیانے سرا اُرش ءُ کاروائیاں ھم سپاہ ءَ گوں ھور بوتگ.
1401 ءِ تاک ریچان ءَ، شستون ءَ زھرشانی کنوکیں بلوچانی سرا اُرش ءُ دزگیر کنگ ءُ کُشگ ءَ بگر داں کہ رزّ ءُ پولے ھاترا بلوچانے آوار جنگ ءُ بیگواہ کنگ اورنگ ئے بلوچ راج ءَ گوں دژمنی ءَ درا کن اَنت ءُ پیش دار اَنت.
گوشگ بوتگ: اورنگ سوریزھی چُنت ساھت دیمترا ماں شستون ءَ ھماں وھدا کہ وتی توتا ھایلوکس گاڑئے نندوک بوتگ، سلاہ بندین ءُ بے پجّاریں مردمانی تیرگواری ءَ کُشگ بوتگ. جیش الادل ءَ اے کاروائی ئے نام «بلوچانے پادلپاش کنوکان ءَ پہ ِاِنساپ» ائیر کرتگ.
Be the first to comment