رَسانک نیوز/ پنچشمبے 19 تیر ماہ 1404 ءِ بیگاہ ءَ، چھبار ءِ مرادآباد دمگ ءَ، تاریک 19 ھُرداد ماہ 1404 ءَ، بیگواہ بوتگیں جنیں چُکے ئے بے ساھیں جون ماھے ءَ پد چہ آئی ءِ لوگ ءِ مردمان ءِ پٹ ءُ پول ءُ رند گیری ءَ، ماں چھبار ءِ امام الی نادراہجاہ ءَ دست کپتگ.
رَسانک ءِ ھال سرکنوکان ءَ گوشتگ: بیگواہ بوتگیں جنیں چُکے نام «الھام»، 15 سالگ ءُ بُندر ءَ سرباز ءِ مردم ءُ ھنّیگیں وھدا چھبار ءِ مرادآباد دمگ ءِ جھمنند بوتگ. آئی ءِ بے ساھیں جون ءَ، بے پجّاریں مردمان ءَ چھبار ءِ امام الی ئے نادراہجاہ ءِ دروازگ ءِ دپ ءَ چگل داتگ ءُ شتگ اَنت.
سربوتگیں ھالانے رِد ءَ، پد چہ ایشی ءَ کہ مردمان ءَ آئی ءِ بے ساھیں جون دیستگ، نادراہجاہ ءِ کارمستران ءَ آئی ءِ جون ءَ ماں برپ ھانگ ءَ ائیر کرتگ ءُ یکشمبے روچ 22 تیر ماہ ءَ، بے ساھیں جون ءِ سرا کانونی کاروائی بوھگ ءَ پد، جنیں چُکے بے ساھیں جون آئی ءِ لوگ ءِ مردمانے دست ءَ دیگ بوتگ.
الھام ءِ بیگواہ بوھگ ءِ ماھے ءَ پد، داں انگت ءَ آئی ءِ چیر دیگ ئے جاہ زانگ بوتگ ءُ نہ اے ڈوھ ئے پشت در زانگ بوتگ.
Be the first to comment