زر باریں رودبار ءِ شھر، اسلام آباد ءَ امنیتی باسک ئے نندوکیں لوگیئے سرا اُرش ءَ، چار بلوچ کُشگ، ٹپیگ ءُ دزگیر کنگ بوتگ اَنت

رَسانک نیوز/ یکشمبے روچ 1 تیر ماہ 1404 ءِ سُہب ءَ، زر باریں رودبار ئے اسلام آباد شھر ءَ امنیتی باسک ءِ ٹولی ءَ یک نندوکیں لوگ ئے سرا اُرش کرتگ ءُ اُدے نندوکیں بلوچانی سرا تَچکیں تیرگواری کرتگ. اے تیرگواری ءَ دو بلوچ کُشگ ءُ یکے دگہ سکّ ءَ ٹپیگ بوتگ. ٹپیگ بوتگیں بلوچ ءُ آئی ءِ یک دگہ ھمراھے ءَ امنیتی باسک ءَ دزگیر کرتگ.

اے اُرش ءَ «یاسر زرکش»، 27 سالگ، جنگجو ءِ چُک، «الیم نمدادی»، کہ کارگرے بوتگ، تیر وارتگ ءُ جاہ ءَ ساه داتگ۔ ھمیں پیم «رزا ازیزی»، 27 سالگ، تیمور ءِ چُک، اے اُرش ءَ تیر وارتگ ءُ سکّ ءَ ٹپیگ بوتگ. «آدل ازیزی»، 24 سالگ، ھُسین ءِ چُک، امنیتی باسک ءَ رزا ءُ آدل دزگیر ءُ بندیگ کرتگ، چاریں بلوچ زر باریں رودبار ے جھمنند زانگ بوتگ اَنت.

اے ھال ءِ رِد ءَ، سُہب ءِ ساھت 10 ءَ ھماں وھد ءَ کہ اے بلوچ وتی لوگ ءَ واب بوتگ اَنت، امنیتی باسک ءِ ٹولی ءَ آیانی سرا اُرش ءُ تَچکیں تیرگواری کرتگ. اے اُرش ئے وھدا، امنیتی باسک ءِ زھر کنی ءُ ھژم ءَ، سرکار ءِ بلوچ پادلپاش ءُ گُٹ گِر کنگ ءِ سیاست ءَ شرّئے سرا درا کنت.

داں انگت ءَ امنیتی باسک ءُ اداره ءَ اے اُرش ءَ کُشگ ءُ ٹپیگ بوتگیں بلوچانے سرا الزام ءِ درگت ءَ ھچ نہ گوشتگ، نہ کہ اے اُرش ءِ پشت در ءَ ھبر اِش کُرتگ.