رَسانک نیوز/ 7 تیر ماہ 1404 ءِ بیگاہ ءَ، اویس براھویی، 18 سالگیں بلوچے ورنائے کہ ماں تاریک 5 تیر ماہ 1404 ءَ، دُزاپ ءِ ھرمشھر روڈ ءَ بے پجّارین ءُ سلاہ بندیں مردمان ءَ آئی ءِ سرا تیرگواری ءُ ٹپیگ کرتگ، دو روچ ءَ پد ماں دُزاپ ءِ ھاتم الانبیاء نادراہجاہ ءَ ساہ داتگ.
اویس براھویی ابدلاللہ ءِ چُک دُزاپ ءِ مردمے بوتگ، کہ پنچشمبے، شپ ءِ ساھت 11 ءَ دُزاپ ءِ ھرمشھر روڈ ءَ بے پجّارین ءُ سلاہ بندیں مردمان ءَ آئی ءِ سرا تیرگواری کرتگ. آئی ءَ ماں لاپ ءَ تیر وارتگ ءُ سکّ ءَ ٹپیگ بوتگ. آئی وھدے سرا نادراہجاہ ءَ سر کنگ بوتگ، بلے ٹپّانی باز بوھگ ءَ آئی ءَ دو روچ ءَ پد ساہ داتگ ءُ بیراں بوتگ.
داں اے ساھت ءَ نہ جنوکاں زانگ بوتگ اَنت ءُ نہ آیانی سوب چہ اویس ءِ کُشگ زانگ بوتگ.
Be the first to comment