جالک ءِ سیمسراں چہ سپاہ ءِ کل کرتگیں مین ءِ تراک ءَ، بلوچیئے دوئیں پاد کهت بوتگ‌اَنت

رَسانک نیوز/ جمے 13 تیر ماہ 1404 ءِ بانگواہ ءَ، جالک ءُ ماشکید ءِ سیمسراں چہ مین ءِ تراک ءَ بلوچے ئے دوئیں پاد کهت بوتگ‌اَنت.

اے بلوچے پجّار «سلیم ریگی»، 27 سالگ، دادرھمان ءِ چُک، شستون ءَ ماشکید دمگ ءِ جھمنند زانگ بوتگ.

گوشگ لوٹیت: اے ویل جالک ءُ ماشکید ئے سیمسرانے میان ءَ، مُک سُھتگ ءِ دمگ ءَ پیش اَتکگ۔ سپاہ ئے پاسداران ءِ کارمنداں بے نشانگ ءُ تابلو ئے ائیر کنگ ءَ سیمسرانے تَچکی ءَ مین کل کرتگ.

سلیم ھمیں دمگ ءَ راہ ءَ روگ ءَ بوتگ، کہ اچانک ءَ آئی ءِ پاد مین ءِ سرا شُتگ ءُ زوریں تراکے ئا گوں، آئی ءِ دوئیں پاد کٹ اِتگنت۔ اے ویل ءَ پد، سلیم پہ درمان ءَ شستون ءِ رازی نادراہجاہ ءَ، سر کنگ بوتگ ءُ داں اے ساھت ءَ آئی ءِ درمان ھلّگ اِنت.

رپوٹانے نئز آرگ ءَ درا کرتگ کہ سال 2024 ءِ تہا، 479 ٹیلکش راھانی ویلاں، امنیتی باسکانے تیرگواری، بے پجّارین ءُ سلاہ بندیں مردمانے اُرش، مین ئے تراک، آس ءِ در گِرَگ، آپ ءَ ڈوبگ ءَ کُشگ ءُ ٹپیگ بوتگ، اے میان ءَ 253 ٹیلکش ءَ ساہ داتگ ءُ 226 دگہ ٹپیگ بوتگ.