رَسانک نیوز/ جُمے 13 تیر ماہ 1404 ءِ سُہب ءَ، بلوچے کہ یک شپ دیمترا دُزاپ ئے کریمپور روڈ ءَ بے پجّارین ءُ سلاہ بندیں مردمان ءَ آئی ءِ سرا تیرگواری کرتگ، چُنت ساھت پد چہ اے ویل ءَ دُزاپ ءِ تامین اجتمائی نادراهجاہ ءَ ساہ داتگ.
اے بلوچے پجّار «مھمود براھویی (زیرکاری)»، 20 سالگ، دُزاپ ءِ نندوک ءُ کامران ءِ چُک زانگ بوتگ. گوشوکان ءَ کامران یکے چہ براھوئی کبیلہ ئے زیرکاری براس رندئے کماشین ءُ سروکیں مردماں زانتگ.
رَسانک ئے ھال سرکنوکان ءَ گوشتگ: سلاہ بندیں مردمان ءَ ھماں وھدا کہ مھمود روڈ ءَ کدم جنگ ءَ بوتگ آئی ءِ سرا تیرگواری کرتگ، ٹپیگ بوھگ ءَ پد، پہ درمان ءَ دُزاپ ءِ تامین اجتمائی نادراهجاہ ءَ سر کنگ بوتگ، بلے ٹپّانی باز بوھگ ءَ آئی ءَ ساہ داتگ.
داں اے ساھت ءَ جنوکان ءُ آیانی سوب چہ مھمود ئے کُشگ ءَ زانگ نہ بوتگ.
Be the first to comment