سب ءُ سوران ءَ، بے پجّاریں مردمانے تیرگواری ءَ بلوچے کُشگ بوتگ

رَسانک نیوز/ چارشمبے 4 تیر ماہ 1404 ئے روچ ءَ، سب ءُ سوران ءَ، بلوچے کہ پہ شکار ءُ سَید ئے جنگ ءَ سیپدینی دمگ ءَ شُتگ، بے پجّارین ءُ سلاہ بندیں مردمان ءَ آئی ءِ سرا تیرگواری کرتگ ءُ کُشتگ.

اے بلوچے پجّار «گلام نبی رزا زھی»، 49 سالگ، سب ءُ سوران ءِ ناسرآباد دمگ ءِ نندوک زانگ بوتگ.

رَسانک ءِ ھال سرکنوکان ءَ گوشتگ: جنوکان ءَ تیرگواری ءَ پد، اے بلوچے شکاری تُپنگ دُزّ اِتگ ءُ گوں وت ءَ برتگ. وھم روت کہ جنوکاں ھمیں دمگ ءِ سلاہ بندیں دُز بوتگ اَنت.

رپوٹانے سرجمی ءَ، سال 2024 ءَ، بے پجّارین ءُ سلاہ بندیں مردمان ءَ 469 بلوچے سرا اُرش کرتگ، آیانی میان ءَ 284 بلوچ کُشگ ءُ 185 بلوچ ٹپیگ بوتگ. آیانی میان ءَ 47 چُک ءُ جنیں آدم ھور اِنت. اے میان ءَ 17 چُک کُشگ ءُ 14 دگہ ٹپیگ بوتگ. 9 جنیں آدم کُشگ ءُ 7 ٹپیگ بوتگ.