رَسانک نیوز/ شمبے 24 ھُرداد ماہ 1404 ءِ روچ ءَ، کازرون ءَ امنیتی باسک ءَ کارگران ءِ ڈیرہ اے ءِ سرا اُرش کرتگ ءُ اُدے نندوکیں کارگرانے آوار جتگ ءُ برتگ. آں دگہ روچ ءَ پہک دزگیر بوتگیں کارگر آجو کنگ بوتگ اَنت، بید چہ یک بلوچے کارگری کہ آئی ءِ نام «مھسن دشتی»، زانگ بوتگ. امنیتی باسک ءَ آئی داشتگ ءُ داں انگت ءَ آئی ءِ ھال سرپدئے دست ءَ نہ کپتگ.
اے ھال ءِ رِد ءَ، مھسن دشتی بُندر ءَ سرباز ءِ سر دشت دمگ ءِ نندوکے، بلے انیگیں وھد ءَ راسک ءِ کارگاہ دمگ ءَ جھمنند بوتگ. مھسن وتی دو برات ءُ یک ناکو زاتک ءُ یک ترے زاتک ءّ ھوری ءَ پہ کارگری ءَ کازرون ءَ شُتگ، امنیتی باسک ءَ آیانی ڈیرہ ءِ سرا اُرش کرتگ ءُ آیانی آوار جتگ۔ دومئیں روچ ءَ بید چہ مھسن ءَ پہکیں کارگر آجو بوتگ اَنت.
بلے داں اے ساھت ءَ مھسن ءِ ھال سرپدئے دست ءَ نہ کپتگ. داں اے وھد ءَ، آوار جنوکیں ادارہ ءُ مھسن ءِ بندیگجاہ ءُ آئی ءِ سرا الزام زانگ نہ بوتگ.
Be the first to comment