رَسانک نیوز/ یکشمبے 1 تیر ماہ 1404 ءِ روچ ءَ، بلوچے پد چہ 269 روچ بندیگ بوھگ ءَ، چہ دُزاپ ءِ بندیگجاہ ءَ آجو بوتگ.
اے بلوچے پجّار ھاپِز «ابدلوھاب پسند»، 21 سالگ، مُپتی اھمد ءِ چُک، راسک ءِ پیشن دمگ ءِ دینی وانگجاہ ءِ نودربرے زانگ بوتگ.
گوشگ لوٹیت: جمے روچ 6 مھر ماہ 1403 ءَ، چیریں ادارے کارمندان ءَ پیشن ءَ لوگئے سرا اُرش ءَ پد اے بلوچ ءَ آواراِش جتگ ءُ بیگواہ کرتگ۔ وھاب ءِ کھول ءُ لوگ ءِ مردمان ءَ آئی ءِ ھال سرپدئے زانگ ءَ وتی وس کرتگ، بلے امنیتی اُھگدا داران ءَ آیان ءَ پسّوئے نہ داتگ.
گڑ سرا ابدل وھاب پد چہ 9 ماہ بندیگ بوھگ ءَ چہ دُزاپ ءِ بندیگجاہ ءَ آجو بوتگ۔ داں اے وھد ءَ آئی ءِ گناہ ءُ الزام زانگ بوتگ ءُ نہ کہ آئی ءِ کیس ءِ دیم رویئے ھالے دست کپتگ.
Be the first to comment