رَسانک نیوز/ چارشمبے روچ 4 تیر ماہ 1404 ءَ، «سواله بھرامزھی» 16 سالگ، بلوچیں زھگے کہ امنیتی باسک ءُ چیریں ادارہ ءَ چہ سرباز ءِ نسیرآباد دمگ ءَ پہ زور ءُ ھژم ءَ آوار جتگ پد چہ 42 روچ ءَ، یک ءُ نیم ملیارد تومن ءِ زمانت ءِ سرا آجو بوتگ.
سواله بھرامزھی، 16 سالگ، مولوی ھبیب الرھمن ءِ چک ءُ سرباز ءِ نسیرآباد دمگ ءِ نندوک اِنت۔ 24 اردیبھشت ءِ بیگاہ ءَ راسکے چیریں ادارہ آئی ءَ چہ نسیرآباد ءَ ھماں وھد ءَ آوار جتگ کہ سوالح وتی ھمسروگاں گوں لیب ءَ بوتگ.
گوشگ لوٹیت: 12 ھرداد ءِ روچ ءَ، سواله ءَ سئے دکیکت ئے گونڈیں پونے مات ءِ سرا جتگ، بلے آئی ءَ وتی الزام ءِ بابت ءَ ھچ نہ گوشتگ. آں دگہ روچ ءَ، سواله چہ چیریں آزار جاہ ءَ پہ دزاپ ءِ بندیگجاہ ءَ شور دیگ بوتگ.
دیمترا 2 ءِ ھرداد ماہ ءَ، انسانی ھکّانی گل ءَ سواله بھرامزھی ءِ زوریں آوار جنگ ءَ، ایر جتگ ءُ وتی گم ءُ گسرت درشاں کرتگ۔ انسانی ھکّانی گل ءَ چہ ایرانے اُھگدا داران ءَ اے بلوچ ورنائے ھال سرپدئے ءُ آجو کنگ ءِ لوٹ کرتگ. انسانی ھکّانی گل ءَ وتی بیان ءَ گوشتگ: ایرانی اُھگدا داران ءَ اول سرا سوالح ءِ دزگیر کنگ ءَ منّتگ، بلے آئی لوگ ءِ مردمان ءَ ھال سرپدئے دست ءَ نہ داتگ.
گوشگ لوٹیت: اے بلوچیں زھگے مستریں برات، تاریک 18 آبان ماہ 1403 ءَ، راسک ءَ گوں سپاہ ءِ ٹولی ءَ ٹکّر ءِ تہا کُشگ بوتگ۔ جیش الادل ءَ اے اُرش ءُ ٹکّرے زمہ واری منّتگ ءُ گوشتگ کہ آئی ءِ لہتیں پدائی اے ٹکّر ءَ جنگ بوتگ اَنت. ھمیں پیم ءَ، اے زھگے ناکو کہ آئی پجّار «ایوب بھرامزھی» زانگ بوتگ، سال ءِ 1392 ءَ، 16 بلوچ بندیگے ھوری ءَ پہ سرکار ءِ ھلاپیں چِست ءُ ائیران ءِ الزام ءَ پاھو دیگ بوتگ.
Be the first to comment