پہرہ ءَ امنیتی باسک ءِ ٹولی ءَ دو بلوچ کارمندے لوگ ءِ سرا اُرش ءَ پد، دریگ ءُ دروازگ پروشتگ اَنت ءُ ویڈیو رکاڈ گوں وت ءَ بُرتگ اَنت

رَسانک نیوز/ 20 ھُرداد ماه 1404 ءَ، پہرہ ءَ کلینک تاج‌مھمدھانی دمگ ءِ پیامبر آزم 3 روڈ ءَ امنیتی باسک ءِ ٹولی ءَ بلوچے کارمند ءِ لوگ ءِ سرا اُرش کرتگ ءُ دروازگ ءُ دریگ پروشتگ اَنت ءُ ویڈیو رکاڈ گوں وت ءَ بُرتگ اَنت.

لوگ ءِ واھُند ءِ پجّار «مھمداسلم نسکندی»، پہرہ ءِ پست بانک ءِ کارمند، آئی ءِ لوگ بانُک ھم سرکاری وانگ جاہ ءَ، استادے ءُ چُک وانینتگ۔ امنیتی باسک ءِ اُرش ءِ وھدا آیاں پہ درمان ءُ الاج ءَ سپر ءَ بوتگ اَنت.

اے ھال ءِ رِد ءَ، امنیتی باسک ءِ کارمنداں لوگ ءِ دریگ ءُ دروازگ پروشتگ ءُ تہا بوتگ اَنت ءُ پٹ ءُ پول ءِ نیمون ءَ لوگ ءِ سامان اِش نُکس داتگ، امنیتی باسک ءَ چہ اے پٹ ءُ پول ءَ ھچ ھلاپیں چیزی دست نہ کپتگ.

یکی چہ امنیتی باسک ءِ کارمنداں گوں ھم ساھگان ءَ گوشتگ: کہ ما پہ تریاک ءِ شوھاز کنگ ءَ آتکگیں، بلے گپّ ایشنت کہ اسلم ءُ آئی ءِ لوگ ءِ مردمان ءَ گوں مواد ءُ منشیات ءَ ھچ پیمیں سر ءُ کارے نیست اِنت. پد چہ پٹ ءُ پول ءَ امنیتی باسک ءِ ٹولی ءَ لوگ ءِ دور گندانے رکاڈ گوں وت ءَ بُرتگ اَنت.