پہرہ ءَ بلوچ بندیگے پاھو دیگ بوتگ

رَسانک نیوز/ دوشمبے 19 ھُرداد ماه 1404 ءِ بانگواه ءَ، پہرہ ءِ بندیگجاہ ءَ بلوچ بندیگے پہ کوش ءِ الزام ءَ پاھو دیگ بوتگ.

پاھو داتگیں بلوچ بندیگے پجّار «ابدل سمد براھویی»، 25 سالگ، ملک مھمد ءِ چُک، پہرہ ءِ نندوک زانگ بوتگ.

اے ھال ءِ رِد ءَ، ابدل سمد ماں سال 1401 ءِ، بُنگیجی روچاں پہ کوش ءِ الزام ءَ دزگیر کنگ بوتگ ءُ آمیدگس ءَ آئی ءَ پاھو ءِ هُکم داتگ. بندیگجاہ ءِ کارمستران ءُ زمہ واراں ءَ یک روچے پیسر چه پاھو، آئی ءَ پہ ایوکیں واڈ ءَ شور داتگ ءُ آئی ءَ گوں وتی مردمان ءَ گُڈ سریں گندوک کرتگ.

گوشگ لوٹیت سال 2024 ءَ، 111 بلوچ بندیگ ماں ایران ءِ 23 شھر ءَ پاھو دیگ بوتگ. اے میان ءَ 83 بندیگ پہ مواد ءُ منشیات ءِ الزام، 25 بندیگ پہ کوش ءِ الزام ءُ 3 بلوچ بندیگے پاھو دیگ ءِ سوب داں ھنگت ءَ زانگ نہ بوتگ.