رَسانک نیوز/ یکشمبے روچ 18 ھُرداد ماه 1404 ءِ بانگواه ءَ، پہرہ ءِ بندیگجاہ ءَ بلوچ بندیگے کہ پہ ھون ءُ کوش ءِ الزام ءَ دزگیر کنگ بوتگ، بندیگجاہ ءِ کارمستران ءُ زمہ واران ءَ آئی ءَ پاھو داتگ.
پاھو داتگیں بلوچ بندیگے پَجّار «ھسین میربلوچزھی»، 25 سالگ، پرویز ءِ چُک، بُندر ءَ پہرہ ءِ نندوکیں مردمی زانگ بوتگ.
اے ھال ءِ رِد ءَ، ھسین یک سال دیمترا پہرہ ءَ پہ ھون ءُ کوش ءِ الزام ءَ دزگیر کنگ بوتگ ءُ اُدے آمیدگس ءَ آئی ءَ پاھو ءِ هُکم داتگ. شمبے روچ ءَ ھسین ءَ گوں وتی لوگ ءِ مردمان ءَ گڈ سریں گندوک کرتگ.
گوشگ لوٹیت: سال 2024 ءَ، 111 بلوچ بندیگ ماں ایران ءِ 23 شھر ءِ تہا پاھو دیگ بوتگ اَنت. اے میان ءَ 83 بندیگ پہ مواد ءُ منشیات ءِ الزام ءَ، 25 بندیگ پہ ھون ءُ کوش ءُ 3 بندیگ پہ زانگ نہ بوتگیں سوب ءَ پاھو دیگ بوتگ اَنت.
Be the first to comment