رَسانک نیوز/ چارشمبے سُہب ءَ 7 ھُرداد ماه 1404 ءَ، چھبار ءِ تیس دمگ ءَ بے پجّارین ءُ سلاہ بندیں مردمان ءَ بلوچ زھگے ءَ آئی ءِ وانگجاہ ءِ دیم ءَ آوار جتگ. آوار جنوکاں یک پژو گاڑئے نندوک بوتگ اَنت ءُ آیانی گاڑئے نمبر پلیٹ پھرہ ئے بوتگ. زھگے لوگ ءِ مردمان ءَ گاڑئے نمبر ماں پلیس ءِ سیسٹم ءَ چارتگ، گاڑی دُزّئے زانگ بوتگ.
آوار جتگیں بلوچ زھگے پجّار «میسم کزاک نارویی» 13 سالگ، ھپتمیں کلاس ءِ نودربر، اسمتاللہ ءِ چُک، چھبار ءِ تیس دمگ ءِ نندوک زانگ بوتگ.
رَسانک ءِ ھال سرکنوکان ءَ گوشتگ: اے ویل ءَ پد، زھگے لوگ ءِ مردمان ءَ پلیس ءُ امنیتی ادارے دپتراں رپتگ اَنت ءُ رپوٹش داتگ بلے داں اے وهد ءَ زمہ واریں اداره آن ءَ الکاپیں پَسّو ئے نہ داتگ.
آوار جنوکان ءُ آیان ءِ سوب چہ اے بلوچ زھگے آوار جنگ ءَ زانگ نہ بوتگ.
Be the first to comment