رَسانک نیوز/ چارشمبے روچ 7 ھُرداد ماه 1404 ءَ، بلوچ ورنائی پد چہ یک ءُ نیم سال بندیگ بوھگ ءَ چہ دُزاپ ءِ بندیگجاہ ءَ زمانت ءِ سرا آجو بوتگ. امنیتی باسک ءَ اے ورنا بےکسور ءُ گناه ءَ گپتگ ءُ بندیگ کرتگ.
اے بلوچ ورنائے پجّار «تارک بنکان» 18 سالگ، الیاس ءِ چُک، راسک ءَ جکیگور ءِ نندوک گوشگ بوتگ.
آذر ماہ 1404 ءَ ھماں وھد ءَ کہ آئی ءِ اُمر 17 سال بوتگ، امنیتی باسک ءُ چیریں ادارے ٹولی ءَ چھبار ءُ جکیگور ءِ میان راہ ءِ چیک پوسٹ ءَ اے ورنا ءُ آئی ءِ همراه آسپ بنکان ءِ راه بستگ ءُ دزگیر کرتگ.
اے ھال ءِ رِد ءَ، چیریں اداره ءَ تارک ءَ پہ ملک ءِ ھلاپیں گل ءَ ھور بوھگ ءُ راسک ءَ امنیتی ٹولی ءِ سرا اُرش ءَ بہر زورگ ءِ الزام ءَ دزگیر کرتگ. تارک آجو بوتگ، بلے داں ھنگت ءَ آئی ءِ ھمراہ، آسپ ءِ ھال ءُ سرپدئے دست نہ کپتگ.
Be the first to comment