رَسانک نیوز/ دوشمبے 5 ھُرداد ماہ 1404 ءَ، راین ءِ امنیتی باسک ءِ ٹولی ءَ یک بلوچ ٹیلکشئے گاڑی تاچینتگ، اے گپت ءُ گیر ءَ بلوچ ٹیلکشئے گاڑی لیٹ وارتگ ءُ آئی ءِ ھلّینوک ءَ جاہ ءَ ساہ داتگ.
بیران بوتگیں بلوچ ٹیلکشئے پَجّار «ابدلواھد ریگی» 18 سالگ، مھمد ءِ چُک، واش ءِ نجپآباد دمگ ءِ نندوک زانگ بوتگ.
گوشگ لوٹیت، اے بلوچ ٹیلکشئے گاڑی راین شھر ءِ نزّیک ءَ ھراب بوتگ ءُ امنیتی باسک ءَ پہ آئی ءِ گاڑئے مھار کنگ ءَ گُلائیش بوتگ که آئی گاڑی زرتگ ءُ جِستگ، امنیتی ٹولی آئی ءِ پد کپتگ، اے گپت ءُ گیر ءَ بلوچ ٹیلکشئے گاڑی لیٹ وارتگ ءُ آئی ءَ جاہ ءَ ساہ داتگ ءُ بیراں بوتگ. اے بلوچ ءِ جوں ماں راین ءِ مردگ جاہ ءَ ایر اِنت.
Be the first to comment