رَسانک نیوز/ یکشمبے روچ 4 ھُرداد ماہ 1404 ءَ، نھبندان ءِ ھواجہدوچاھی دمگ ءَ امنیتی باسک ءِ ٹولی ءَ پٹ پٹی سوار چار بلوچ ورنا ءَ بے توار ءُ جار ءَ گوں تیراں مان بستگ کہ یک بلوچ ورنائے جاہ ءَ ساہ داتگ ءُ یک دگری سکّ ءَ ٹپیگ بوتگ.
کُشگ بوتگیں بلوچ ورنائے پجّار «نوید زاروزھی بلوچ» 18 سالگ، نبی ءِ چُک، ٹپیگ بوتگیں بلوچ ورنائے پجّار «مھران زاروزھی» 18 سالگ، ابدلسمد ءِ چُک دوئیں بلوچ ورنا نھبندان ءِ ھواجہدوچاھی دمگ ءِ جھمنند زانگ بوتگ اَنت.
گوشگ لوٹیت: چار بلوچ ورنا دو پٹ پٹی ءَ سوار ءُ ماں ھاکی راہ ءَ روگ ءَ بوتگ اَنت، آیان ءَ ھچ پیمیں گِر کانونی سامان گون نہ بوتگ، بلے امنیتی باسک ءِ ٹولی ءَ بے جار ءُ توار ءَ آیانی سرا تیرگواری کرتگ. یک ورنایی ماں سینگ ءَ تیر وارتگ ءُ جاہ ءَ ساہ داتگ، دومی ورنا ماں سرین ءَ تیر وارتگ ءُ سکّ ءَ ٹپیگ بوتگ ءُ پہ درمان ءَ نادراہجاہ ءَ سر کنگ بوتگ.
داں اے وھد ءَ امنیتی کارمستران ءُ زمہ واران ءَ اے ویل ءُ واک ءِ درگت ءَ ھچ نہ گوشتگ.
Be the first to comment