رَسانک نیوز/ سئےشمبے 6 ھُرداد ماه 1404، میرجاوه ءَ یک بلوچے کہ تاریک 12 پروردین ءَ چیریں ادارے ٹولی ءَ پہ زور آوار جتگ داں ھنگت ءَ بیگواہ اِنت ءُ آئی ءِ ھال ءِ سرپدی دست نه کپتگ.
اے بیگواھیں بلوچ ءِ پجّار «زبیر ریگی» مھمد ءِ چُک، میرجاوه ءَ لاویز دمگ ءِ نندوک زانگ بوتگ.
سر بوتگیں ھالان ءِ رِد ءَ، زبیر میرجاوه ءِ کشاورز دمگ ءَ ماں یک گاڑی شودگ ءِ جاہ ءَ کار ءَ بوتگ، ھمیں وھد ءَ امنیتی باسک ءُ چیریں ادارے ٹولی ءَ آئی ءَ په زور ءُ لٹ شاپ ءَ آوار جتگ ءُ بیگواہ کرتگ. اے ویل ءَ دو ماہ ءَ پد، آئی ءِ کھول ءُ لوگ ءِ مردمان ءَ دل جمیں ھالی نہ رستگ.
Be the first to comment