رَسانک نیوز/ 3 ھُرداد ماه 1404 ءَ، دُزاپ ءِ پلستین روڈ ءَ چیریں اداره ءِ کارمندان ءَ یک بلوچئے لوگ ءِ سرا اُرش ءَ پد، لوگ ءِ مردمانے دیم ءَ آئی ءَ لٹ ءُ شاپ کرتگ ءُ په زور ءُ زھرئے سرا آوار جتگ ءُ بیگواہ کرتگ.
آوار جتگیں بلوچ ءِ پجّار «منسور ریگی» 36 سالگ، سھراب ءِ چُک، آروس کرتگ ءُ دو زھگ ءِ پت، دُزاپ ءِ نندوک زانگ بوتگ.
منسور ریگی ءِ سیادان ءَ گوشتگ: شمبے روچ ءَ چیریں ادارے ٹولی ءَ منسور ءِ لوگ ءِ سرا اُرش ءِ وھد ءَ، آئیءَ لوگ ءِ مردمان ءُ جن ءُ چُکّانی دیم ءَ لٹ شاپ ءَ پد، پہ زور ءَ آوار جتگ ءُ بیگواہ کرتگ.
منسور ءِ سیاد ءُ مردمان ءَ گوشتگ: منسور ءِ سرا ھچ پیمیں کیسی نہ بوتگ ءُ آئی ءِ بیگواہ کنگ ءِ سوب زانگ نہ بیت. منسور ءِ سیادان ءَ چہ چیریں ادارہ ءُ امنیتی باسک ءَ، آئی ءِ ھال ءِ سرپدی ءُ گناہ ءُ میار ءِ دیم ءَ آرگ ءِ لوٹ کرتگ.
آوار جنوکیں ٹولی ءَ درکانون ءَ منسور آوار جتگ ءُ بیگواہ کرتگ. داں اے وھد ءَ منسور ءَ ھچ ھال ءُ سرپدئے نیست اِنت، اے گپّ آئی ءِ لوگ ءِ مردمان ءَ تورینتگ ءُ گیشتر دل پریشاں کرتگ.
Be the first to comment