رَسانک نیوز/ شمبے شپ ءَ 3 ھُرداد ماہ 1404 ءَ، دُزاپ ءِ سادی روڈ ءَ بے پجّارین ءُ سلاہ بندیں مردمان ءَ یک پراید گاڑئے ءِ نندوکانی سرا تیرگواری کرتگ۔ اے ویل ءَ گاڑئے دو نندوک جاہ ءَ ساہ داتگ ءُ یک نندوکے سکّ ءَ سِلّ ٹپیگ بوتگ.
دوئیں بیراں بوتگیں بلوچانی پجّار «بلال براھویی» 24 سالگ، رھمت اللہ ءِ چُک، «اُمر رودینی» 21 سالگ، اھمد ءِ چُک، ٹپیگ بوتگیں بلوچ ءِ پجّار «ھامد موسی زھی» 22 سالگ، ھر سئے دُزاپ ءِ نندوک زانگ بوتگ اَنت.
اے ھال ءِ رِد ءَ، یک پژو پارس گاڑئے سلاہ بندین ءُ بے پجّاریں نندوکاں دزاپ ءَ ھیابان سادی ءَ پراید گاڑئے نندوکانے سرا تیرگواری کرتگ، کہ پراید ءِ دو نندوک جاہ ءَ ساہ داتگ ءُ یک دگرے سکّ ءَ ٹپیگ بوتگ.
داں اے ساھت ءَ جنوکان ءِ پجّار ءُ آیان ءِ سوب چہ اے کار ءَ زانگ نہ بوتگ.
Be the first to comment