مگس ءَ، امنیتی باسک ٹولی ءَ مسیت ءِ پیش نمازی ءَ آوار جتگ ءُ بیگواہ کرتگ

رَسانک نیوز/ جُمے 2 ھُرداد ماہ 1404 ءَ، مگس ءَ امنیتی باسک ءِ ٹولی ءَ یک سنّی آلمی ءَ آوار جتگ ءُ بیگواہ کرتگ.

اے بلوچ آلم ءِ پجّار، «مولوی نواز دھانی» 27 سالگ، ھئیر مھمد ءِ چُک، آروس کرتگ ءُ یک زھگ ءِ پت، مگس ءِ دمگ آشار ءَ ملک‌آباد ءِ نندوک، ھزرت امّار مسیت ءِ پیش نماز زانگ بوتگ.

سر بوتگیں ھالانی رِد ءَ، ساھت ءِ ۴ بانگواہ ءَ سپاہ ءّ انٹیلیجنس ءُ چیریں ادارے 30 گاڑی، ھزرت امّار مسیت ءِ سرا اُرش ءَ پد، مولوی نواز دھانی ءَ گڈ چہ سہب ءِ نماز ءِ وانینگ ءَ چہ مسیت ءَ آوار جتگ ءُ بیگواہ کرتگ.

داں اے وھد ءَ، مولوی نواز ءِ آوار جنگ ءِ سوب زانگ نہ بوتگ.