رَسانک نیوز/ دوشمبے روچ 29 اردیبھشت 1404 ءِ بانگواہ ءَ دُزاپ ءِ بندیگجاہ ءَ دو بلوچ بندیگ پہ ھون ءُ کوش ءِ الزام ءَ پاھو دیئگ بوتگ.
اے دوئیں بلوچ بندیگانی پجّار «ابدل مجید پرامرزی (کاشانی)» 27 سالگ، ابدل ھمید ءِ چُک، آروس کرتگ ءُ دو زھگ ءِ پت، «ابراھیم نارویی» 24 سالگ، امان اللہ ءِ چُک، آروس کرتگ ءُ چار زھگ ءِ پت، دوئیں بندیگ دُزاپ ءِ جھمنند زانگ بوتگ اَنت.
رَسانک ءِ ھال سرکنوکانی رِد ءَ: ابراھیم نارویی ماں سال ءِ 1401 ءَ، ابدل مجید پرامرزی ماں سال ءِ 1402 ءَ، دُزاپ ءَ پہ ھون ءُ کوش ءِ الزام ءَ دستگر بوتگ اَنت۔ دُزاپ ءِ امید گس ءَ آیان ءَ پاھو ءِ سزا داتگ. دو روچ پیش اے دوئیں بندیگ، گوں وتی کھول ءُ لوگ ءِ مردمان ءَ گُڈ سریں گندوکِش کرتگ.
بلوچانی وت سریں دستگر کنگ ءُ بے جُست ءُ پرس ءَ پاھو دیئگ، ایران ءِ سرکار ءِ بلوچ راج ءِ پادلپاش کنگ ءِ سیاست ءِ بہر زانگ بیت.
Be the first to comment