شستون ءَ چہ امنیتی باسک تیرگواری ءَ دو بلوچ کُشگ ءُ یکی چہ امنیتی باسک ءِ کارمنداں ٹپیگ بوتگ

رَسانک نیوز، دوشمبے روچ 22 اردیبھشت ماہ 1404 ءَ، شستون ءِ دمگ جھادآباد ءَ امنیتی باسک ءِ ٹولی ءَ یک پژو 405 گاڑی ءِ سرا تیرگواری کرتگ، گاڑی ءِ سلاہ بندیں نندوکاں گوں گجر ءَ اَڑ اَنت ءُ ٹکّر زور اَنت اے پیم ءَ دو نیمگی تیرگواری بیت۔ گاڑئے نندوکیں دوئیں بلوچ اے تیرگواری ءَ کُشگ بنت.

کُشگ بوتگیں بلوچانی پجّار «رھمان گمشادزھی»، 24 سالگ، بھرام ءِ چک آروس کرتگ۔ «ھُدابکش مزارزھی»، 23 سالگ، جُمّا ءِ چُک، آروس کرتگ ءُ دوئیں شستون ءِ دمگ جھادآباد ءِ جھمنند زانگ بوتگ اَنت.

گوشگ لوٹیت: امنیتی باسک ءِ ٹولی ءَ جھادآباد ءَ چیر ٹپّ اِتگنت ءُ اے گاڑئے راھش بستگ ءُ گوں گاڑئے ودیگ بوھگ ءَ گجر ءَ آئی ءِ سرا تیرگواری کرتگ۔ گاڑئے سلاہ بندیں نندوکان ءَ گجر ءَ گوں ٹکّر زورتگ ءُ جنگ داتگ۔ اے دو نیمگی تیرگواری ءَ پژو گاڑئے دوئیں نندوک کُشگ ءُ یکی چہ امنیتی باسک ءِ کارمنداں ٹپیگ بوتگ.

داں اے ساھت ءَ اے ویل ءِ پژدر زانگ نہ بوتگ.