رَسانک نیوز، 11 اردیبھشت ماہ 1404 ءَ، دُزاپ ءِ امنیتی باسک ءِ کارمندان ءَ ماں ھیابان چمران ءِ نھمیں ڈکّ ءَ یک بلوچی ءَ بے گناہ ءُ میار ءَ آوار جتگ ءُ بے گواہ کرتگ.
اے بلوچ ءِ پجّار، «یاسر ریگی ھاس»، 31 سالگ، ھاجی بنیاد ءِ چُک ءُ دُزاپ ءِ نندوک زانگ بوتگ.
امنیتی باسک ءَ ھماں وھد ءَ یاسر ءِ دیم داشتگ ءُ آئی ءَ آوار اِش جتگ کہ آئی وتی لوگ ءِ دپ ءَ اُشتوک بوتگ، امنیتی باسک ءِ کارمندان ءَ بے تِرِپّ ءُ توار آئی ءَ دزگیر اِیش کرتگ.
یاسر ءِ کھول ءُ لوگ ءِ مردمان ءَ وتی وس ھلّینتگ کہ آئی ءِ ھال ءَ بہ زاننت ءُ اے زانگ بہ بیت کہ یاسر کجام ادارے دست ءَ اِنت، آئی ءِ گناہ ءُ میار چی اِنت. بلے دان ھنگت ءَ سرکاری ادارہ ءُ زمہ داران ءَ آیان ءَ الکاپیں پسّو اِش نہ داتگ.
Be the first to comment