رَسانک نیوز، زی 8 اردیبھشت ماہ 1404 ءَ، ھیرمند ءِ شھر ءَ دوست محمد ءُ زابل ءِ میان راہ ءَ نیاتک دمگ ءِ نزّیک ءَ بے پجّارین ءُ سلاہ بندیں مردمانی تیرگواری ءَ یک بلوچ جھمنندی کُشگ بوتگ.
اے بلوچ جھمنند ءِ پجّار، «عبداللہ دھمردہ» 26 سالگ، شاہ مھمد ءِ چُک، بُندر ءَ دُزاپ ءِ مردم ءُ ھنیگیں وھداں مشھد ءِ نندوک بوتگ.
ھال سرکنوکان ءَ گوشتگ: عبداللہ پہ وتی زاتی کارانی ٹاھینگ ءَ ھیرمند ءَ آتک ءَ بوتگ، شپ ءِ ساھت یک ءَ، سواری گاڑئے بے پجّارین ءُ سلاہ بندیں مردماں آئی ءِ سرا تیرگواری کننت ءُ کُشنت.
جنوکانی پجّار ءُ آیانی سوب چہ عبداللہ ءِ کُشگ ءَ داں اے وھد ءَ زانگ نہ بوتگ.
Be the first to comment