رَسانک نیوز، سہشمبہ روچ ءَ 2 اردیبھشت ماہ 1404 ءَ، یک بلوچ جھمنندی ماں دلگان ضلع ءَ کھور سختالی ءِ دمگ ءَ سلاه بندیں دُزانی دست ءَ کوشگ بوتگ ءُ دزاناں آئی ءِ کوشگ ءَ پد، آئی ءِ گاڑی ءَ گوں وت برتگ.
اے بلوچ جھمنند ءِ پجّار، «حسن نارویی» 26 سالگ، کریم بخش ءِ چُک، دلگان ءِ جلگہ کھور سختالی ءِ نندوک زانگ بوتگ.
گوشگ لوٹیت: سہ بے پجّارین ءُ سلاه بندیں دُز کہ یک اسپیتیں پژو پارس گاڑئے نندوک بوتگ اَنت پد چہ ایشی ءَ کہ حسن ءِ لوگ ءِ کش ءُ کِرّاں گوں گاڑی گشت کننت، گڑ سر حسن ءِ لوگ ءِ دروازگ ءَ جننت ءُ ھمی کہ حسن دروازگ ءَ پچ کنت، دُزاں آئی ءَ گوں تیر بند اَنت ءُ کش اَنت ءُ آئی ءِ گاڑی ءَ بر اَنت.
داں ھنگت ءَ کشوکانی پجّار ءُ نہ آیانی سوب چہ اے کار ءَ زانگ بوتگ.
Be the first to comment