رَسانک نیوز، زی سہ شمبے روچ 2 اردیبھشت ماہ 1404 ءِ بانگواہ ءَ، پنچ بندیگ کہ آیان ءِ میان ءَ یک بلوچ بندیگی ھم ھُور اِنت کہ منشیات ءِ الزام ءَ گِرَگ بوتگ، ماں یزد ءِ بندیگجاہ ءَ لوپ کنگ بوتگ.
لوپ دیئگ بوتگیں بلوچ بندیگ ءِ پجّار، «وحید نارویی» 30 سالگ، گلام ءِ چُک، آروس کرتگ ءُ دو زھگ ءِ پت ءُ دُزاپ ءِ نندوک زانگ بوتگ. ادگہ چار بندیگ ءِ پجّار کہ وحید نارویی ءِ پجّی ءَ لوپ کنگ بوتگاَنت داں اے وھداں زانگ نہ بوتگ.
سر بوتگیں ھالان ءِ رِد ءَ، وحید نارویی 1399 سال ءَ یزد ءِ شھر ءَ منشیات ءِ الزام ءَ گِرَگ ءُ بند کنگ بوتگ۔ یزد ءِ انقلاب آمیدگِس ءَ آئی ءَ سزائے موت داتگ. یک شمبے روچ ءَ ۳۱ پروردین ماه ءَ وحید ءَ چہ اے دگہ بندیگاں گیشین اَنت ءُ ماں ایوکی وارڈ ءَ بر اَنت ءُ دار اَنت.
بلوچ جھمنندانی گِرَگ ءُ بندَگ، وت سریں سزائے دیئگ، بے گناہ ءُ بے میار ءَ لوپ کنگ، مڈیا ئے بلوچانی سرا زلم ءُ زوراکی ءِ درگت ءَ ھچ نہ گوشگ اے پہک ایران ءِ سرکار ءِ ضدّ ءِ بلوچ سیاست ءِ بہر اَنت۔ اگاں ایران ءِ سرکار وتی سیاست ءُ سیسٹم ءَ بلوچ ءُ بلوچستان ءِ باراوا مہ ٹگلین اِیت ءُ شر مہ کنت، دیمترا آؤکیں وھداں ایران ءِ سرکار ءُ بلوچ راج ءِ میان ءَ دوری باز گیش تر بیت.
Be the first to comment