رَسانک نیوز، پنجشمبه روچ ءَ 28 پروردین 1404 ءَ، دُزاپ ءَ رخشانی ءُ آئی ءِ کٹھمدان ماککی اللہ داد ءِ نماسگان ءُ تمندانیانی میان ءَ تپاکی ءُ یک مشتی ءِ گیش کنگ ءِ ھاترا دیوانے برجم دارگ بوتگ. اے دیوان ءُ مجلس ءَ بازیں اسپیت ریش ءُ کماشیں مردماں بھر زرتگ. اے دیوان ماں بلوچ سماج ءُ آئی ءِ کٹھمداناں تپاکی ءُ یک مشتی ءِ گیش کنگ ءَ برجم دارگ بوتگ.
لہتیں چہ سروک ءُ آرپیں لیڈراں کہ اے دیوان ءَ وتی ھبر ءُ ھیال اِش درشاں کرتگ ءُ دیوان ءِ نندوکیں مردم اِش سوب بکش اِتگ. سردار ھاج ھدانزر، کاری عبدالھالک، ھاپِز عبدالسلام، ھاجی نجیب، سردار ھاجی عصمت اللہ، ھاجی شیر احمد چہ زابل، ھاجی ندام چہ کوشہ تمندان، مولوی عبدالرحیم کوشہ تمندان ءِ جمه ءِ پیشنماز، مپتی ھاجی عبدالحمید چہ واش ءِ مخزن العلوم ءُ ھاجی عبدالرحمن.
بلوچستان ءَ کبیلہ ءُ کٹھمدان ماں راج ءُ سماج ءِ اَڑ ءُ جیڑانی سندگ ءَ سماج ءِ تہا یک مشتی پیدا کنگ ءَ مزنیں کرداری دار اِیت. ھاس کار ھنیگیں وھداں کہ ایران ءِ سرکار لوٹیت بلوچاناں چہ یک ءُ دگرا جِتا ءُ گیستا بکنت، اے پیمیں دیوان ءُ مجلس ءِ برجم دارگ ءُ راج ءِ سر ءُ سوج سکّ ضروری اِنت.
Be the first to comment