رَسانک نیوز، پنچشمبہ 28 پروردین 1404 ءِ روچ زردی (بیگاہ) ءَ یک مزنیں یک ءُ نیم متری سیہ ماری ماں سرباز ءِ کیشکور ءِ زله سموکان ءِ دمگان جاہ یہتگ ءُ جھمنندان ءَ چہ ایشی ءَ پیسر کہ کسی ءَ تاوانے بہ دنت آئی ءَ کشتگ.
موسم ءِ گرم بوھگ ءَ پد، بلوچستان ءِ بازیں جھمنندی گوں سیہ ماراں دپ پہ دپ کپیت ءُ آیان ءَ اے مار ڈنگ جننت ءُ بازین مردمی ھمک سال ھمیں سوب ءَ بیران بیت.
اے مزنیں سیاھین ءُ زھر داریں مار ءَ بلوچی زبان ءِ تہا سیہ مار گوشنت، کہ گیشتر ماں بلوچستان ءِ میانجی ایں بھر ءُ روچ درآتک ءِ نیاما پدِش گندگ بنت ءُ جاہ کاینت (شستون، سرباز، ائیرندگان، گِہ ءُ راسک) بلے تا ھنگت ءَ ایران ءِ وزارت ءِ دراھی ءُ سلامت ءَ پہ اے مار ءِ زھر ءَ سوب داریں درمانے جوڑ نه کرتگ.
Be the first to comment