رَسانک نیوز/ چارشمبہ روچ 27 پروردین 1404 ءَ امنیتی باسک ءِ ٹولی ءَ یک بلوچ ورنائی ءَ بے میار ءُ بے گناه آوار جتگ ءُ بیگواہ کرتگ.
اے بلوچ ورنائے پجّار، «عادل صفرزایی» مسعود چُک، 16 سالگ زانگ بوتگ۔ آئی دُزاپ ءِ جھمنند ءُ ماں هیابان بدر ءَ نان ءِ تندور ءِ سرا کار ءَ بوتگ.
گوشگ لوٹیت کہ امنیتی باسک ءِ کارمندان ءُ چیریں ادارے ٹولی ءَ ماں تندور ءِ سرا اُرش کرتگ ءُ عادل صفرزایی ءَ آوار جتگ ءُ بیگواہ کرتگ.
داں اے وھد ءَ عادل صفرزایی ءِ آوار جنگ ءُ بیگواہ کنگ ءِ سوب زانگ نہ بیت، نہ کہ اے زانگ بیت کہ گجر ءَ آئی ءَ کجا داشتگ۔ ھمیں بیگواہ کنگ عادل صفرزایی ءِ کھول ءُ لوگ ءِ مردم گیشتر دل پریشان کرتگ.
Be the first to comment