رسانک نیوز، یکشنبہ ءِ روچ ءَ، ۲۴ پروردین ۱۴۰۴، یک بلوچ جھمنندی دزاپ ءِ امام هسین مسیت ءَ سُہب ءِ نماز ءِ وانگ ءَ پد ، ھنچو کہ چہ مسیت ءَ درکئیت آئی ءِ سرا نزانتگین ءُ سلاه بندیں مردی تیرگواری کنت ءُ آئی ءَ کُشیت.
اے بیران بوتگیں بلوچ جھمنند ءِ پجّار «یاکوب شہ بخش ناروئی» ،۴۴ سالگ، هاجی محمد چک، چہ بُندر ءَ دزاپ ءِ نندوک زانگ بوتگ.
اے ھبر گوشگ لوٹیت کہ یاکوب شہ بخش سهب ءِ نماز ءَ مسیت ءَ وانیت ءُ ھنچو چہ مسیت ءَ در کئیت نزانتگین ءُ سلاه بندیں مردے آئی ءِ سرا تیر گواری کنت ءُ دو تیر ماں یاکوب پادان ، یک تیری مان کوپگ و یک تیر هم کَش گُٹّیگ ءَ وارت ءُ سک ٹپیگ بیت دزاپ ءِ ھاتم نادراہ جاہ ءَ سر بیئگ ءَ پیسر ، راہ ءَ ساہ دنت ءُ بیران بیت.
داں اے وھد کہ ھبر سرجم بئیگ اِنت جنوک پجّار ءُ آیایی سوب چہ یاکوب ءِ کُشَگ ءَ زانگ نہ بوتگ.
چہ ریکارڈ ءُ هالان پٹ ءُ پول ءَ پد اے گپّ الّم اِنت کہ ماں سال ۲۰۲۳ ءَ کم چه کم ۱۹۲ بلوچ جھمنند ءِ سرا نزانتگین ءُ سلاح بندیں مردماناں تیر گواری کرتگ. ۱۵۰ نپر چہ اے جھمننداں بیران بوتگ اَنت ءُ ۴۲ نپر دگہ ٹپیگ بوتگ اَنت ، اے میان ءَ کم چه کم ۵ چُک ءُ ۴ جنین نام جاہ کئیت.
Be the first to comment