جنێنانی میان استمانی رۆچ مبارک بات

رَسانک نیوز

مارچئے هشتمی رۆچ که جنێنانی میان استمانی رۆچئے ناما زانگ بیت، جنێنانی جتاییئے ھلاپا سیاسی و چاگردی جهدئے راجدپترئے یک رۆچ اے. جنێنانی میان استمانی رۆچ یکوییئے رۆچ اِنت که په برابرێن هکّان، شرترێن کارئے جاوران و سرجمێن دنیائے جنێنانی شرپدار و جان سلامتیئے زندئے جنگا اِنت و دنیائے جتا جتاێن ملکانی میلیونان جنێن و مردێن ھر سال اے رۆچا برجم دار اَنت.

گوستگێن سالان ھاسێن رنگا 1401ئے میانا راجئے انگلابی آشۆبا پد بلوچستانئے جنێن آدمان ھم اے گپّ پدر کُرتگ که آ چه اێرانئے اسلامی جمهوریئے رژیمئے سئوبا برجاہ دارگ بوتگێن جاوران چه ھلاس بوتگ‌اَنت و آ وتی برابرێن هکّانی ھاترا کۆچگان درکپگ و زھرشانی کنگ لۆٹ‌اَنت.

بلۆچستانئے جنێنانی نێمگا چا هَکّانی جنگئے زلورتئے سرپد بئیگ و آیانی رسگئے ھاترا اَملی گامگێج زورگا چه اے گپّ پدر بیت که اے گپّ سابت بوتگ که پدرێچئے چاگرد و نزریاتی رژیمئے بئیرکئے چێرا بے تئواری وتی هَکّان رسگا نه‌اِنت و آ جتاێن رنگان انزوا و انزوا بوتگ‌اَنت.

زلور بلۆچ جنێن وتی دزتی تاکتئے سرا تکه کنت که آ چاگردئے دێمرئوی و آگاه کنگا هر وڑا کمک بکنت، و وتی هکانی رسگئے هاترا کار بکنت. اے رنگا برابرێن بستارئے مردێن ھم اے هکانی لگتمالیئے ھلاپا بلۆچ جنێنانی زھرشانیئے همراهیا اۆشتات کننت تان که بلۆچستانئے دمگ یک رندے پدا هما آبادێن دئورا واتر ببیت که بلۆچ جنێن دێمرئویئے بازێن رھبند و راهانی کمانا اَتنت.