رَسانک نیوز
دوشمبهئے رۆچا ۲۲ بهمن ۱۴۰۳، یک بلۆچ ورنایے واشا سلاهبندێن مردمانی دستا آوار جنَگ بوتگ و تنیگت هچ هالے چه آییا نێست.
اے بلۆچ ورنائے پجّار (مهراج ریگی)، ۱۷ سالگ، اَبدُل سلامئے چُکّ و واشئے مردم و وانندهے گوَشگ بوتگ.
گێشێن هالانی رِدا، مهراج دوشمبهئے رۆچا کساس ساهت هپتا په وتی سنگت و هم کلاسیئے چارگا چه وتی لۆگا در بوتگ و پد چه آییا گار بوتگ. آییئے لۆگئے مردمان پد چه آییئے گار بئیگا آییے پَٹّ و پاسا شتگ‌اَنت و آ دگه رۆچا یک نامالومێن مردمیا زنگ جتگ و بێد چه اِشیا که آوار جنگئے سئوبا بگوَشنت و بس وتی آوار جنگش هال داتگ و گوانکش کهت کُرتگ.
Be the first to comment