زابلا بلۆچ کولبر سیمسرا نزامی نیروانی دستا آزار دئیگ بنت

رَسانک نیوز

جمهئے رۆچا ۲۶ بهمن ۱۴۰۳، ٹێلکش و کولبر میلکئے سیمسرا زابلا سیمسری نیروانی دستا گۆن تُپنگا جنَگ و چۆپگ کنگ اَنت.

اشانی اے هژمی کار گۆن بنّامی و اهانت و جنَگ و چۆپگ همراه اِنت و هر رۆچ نزامی نیروانی دستا تکرار بیت. لهتے بران، نزامی نیرو کولبرانی تُرسێنگئے واستا چه گرمێن سلاها کارمرز کُرتگ و سکّ باز رندا اشانی بار و مال اێرانئے رژیمئے نیروانی دستا برگ بوتگ‌اَنت.

گێشێن هالانی رِدا که چه ائولئے ۲۰۲۳ئے سالا جم کنک بوتگ‌اَنت، کم چه کم ۳۲۱ کس چه ٹێلکشّێن بلۆچان گۆن وڑ وڑێن وئیلان، کُشگ و ٹپّیگ کنگ بوتگ‌اَنت که نزامی نیروانی راستێن تیرگواریانی تها ۲۸ ٹێلکشّا وتی ساه چه دستا داتگ و ۱۷ کس ٹپّیگ بوتگ. جادهی وئیلانی تها هم ۱۹۴ کس ٹپّیگ بوتگ. نامالومێن مردمانی تیرگواریان هم ۸ کسا وتی ساه چه دستا داتگ و ۲ کس ٹپّیگ بوتگ. دگه وئیلانی تها چۆ هار، آس سۆچی ٹێلئے ڈیپوئے تها و یک دگه نامالومێن مئوردے تها هم کم چه کم ۱۴ کس ٹپّیگ و بێران بوتگ.