تارک اریش گۆن اسپێت ریش و بلۆچ مُتمدانی پادرنیامیا چه دُزّۆکێن مردمانی دستا پچ گِرگ بوتگ

رَسانک نیوز

دوشمبهئے سُهبا ۲۲ بهمن ۱۴۰۳، دکتر تارک اریش، دنتانئے دکتر، که بهمنئے ۱۷می رۆچا وتی زاتی درمانجاه کُدسئے بلوارا چهبارئے شهرا سلاهبندێن مردمانی دستا دُزّگ بوتگ و نامالومێن جاهے برگ بوتگ، پد چه اسپێت ریشانی پادرنیامیا دشتیاریئے هلکا آزات کنگا بوتگ.

دکتر تارک اریش، (دکتر اریش)ئے مسترێن چُکّ، چمّئے دکتر و چه بلۆچستانئے مزنێن دکتران اِنت.

گێشێن هالانی رِدا، چُنت سلاهبندێن مردما آییئے زاتی درمانجاها کمین کُرتگ بوتگ و پد چه اِشیا که آیی رستگ، آییش په زۆر ماشینا سئوار کُرتگ و چه اۆدا دور بوتگ‌اَنت و چه پنچ رۆچا آییئے لۆگئے مردم چه آییئے هالا هچ سهیگ نبوتگ‌اَنت.

چه سلاهبندێن مردمانی پجّار و آیانی دُزّگئے سئوبا تنیگت هبرے نێست. اے آوار جنَگ چُش بوتگ که بلۆچستانئے جاه جاهان ناامنی باز بوتگ و اُگدهدارانی په دلێن پئیگیریئے نکنگ اے کارانی بُنهشت اِنت.