رَسانک نیوز
جُمَهئے سُهبا ۱۲ بهمن ۱۴۰۳، سرجنگلا سلاهبندێن مردمان دگیرا کورینئے هلکا دُزآپئے دمگان، یکّے چه اسپێت ریشان و شه بکشئے کهۆلئے مُتمدان که په تۆکی کنگ و جێڑهئے هلاس کنگئے واستا اۆدا شُتگ، تیرانی آماچ کُرتگ و وتی ساهی چه دستا داتگ.
اے اسپێت ریش و بلۆچێن مُتمدئے پجّار (ملک شاه اسماێل زهی)، کدهُدا بُلگاکئے چُکّ، چه کورینئے اسپێت ریشان گوَشگ بوتگ.
گێشێن هالانی رِدا، چُنت سلاهبندێن مردمان که آیانی نێمانا سُهل و سازش بوتگ جُمَهئے سُهبا پدا جێڑه بوتگ‌اَنت و گۆن گرمێن سلاها درگیر بوتگ‌اَنت. ملک شاه اسماێل زهی که درگیریئے دێمگیری واستا شُتگ بوتگ، تیرانی آماچ بوتگ و بازێن ٹپّان وتی ساهی چه دستا داتگ.
Be the first to comment